नै उलहन कोनो नै उपराग तोरासँ
भरिसक बनतै दोसरके भाग तोरासँ
जियबै जिनगी हम माली बनिक' भमरासँ
सजतै ककरो मोनक जे बाग तोरासँ
पूरा हेतै से की सपनाक ठेकान
अभिलाषा छल जे सजितै पाग तोरासँ
तोंही छलही सरगम शुर ताल संगीत
छुछ्छे आखर रहने की राग तोरासँ
मेटा लेबै कुन्दन दुनियासँ अपनाक
रहतै जिनगीमे नै किछु दाग तोरासँ
222-222-221-221
© कुन्दन कुमार कर्ण
www.kundanghazal.com
कोई टिप्पणी नहीं:
एक टिप्पणी भेजें